الأفاعي

مَلِت الأفاعي البلد .. لَـمّا جِروا السَحَرة

ثاروا على من فسد .. خَدِتْهُم الثَّوْرة

حَبَّة كَلُوا السُّكَّر

حَبَّة هَانُوا العَسْكَر

وَ حَبَّة بِتْغَيَّر

تِيجِي و ترُوح شَعْرَة

موسى نَبِي مُرْسَل .. للشَّعْب و لفرعون

و الرب لو أمهل .. عدله أساس الكون

غِرِق الكِبير في البحر

و قارون خُسِف عالبرّ

و الذنب واحد كِبْر

يا شعب يا فرعون

طالت دقون و أنوف .. بين أتقيا و فَجَرَة

و اللي يعيش هيشوف صوفة الدياب خَضْرة

يا وطن عليه مكتوب

يِعْلَى فـ هرم منصوب

و يِوْطَى بِالمغْلوب

يا يـموت غَرِيب بَرَّه